..يا أنا يا إنت

معقول خاطر فيك؟.. معقول إقبل، خاطر فيك؟.. كيف بدّي خاطر؟ فيك!.. بِ صِفتي مين بدّي إجي إحكيك؟.. بِ صِفتَك مين، بدّي إجي إحكيك؟.. وبَرضو، معقول خاطر فيك؟.. من وين إِبَلِّش حديثي معك؟.. أيّ إحساس بِبعَتو ع الجبهة قبل؟ وبِخاطر في؟.. وبِخاطِر بِ كَسِر قلبي.. وبَرضو، معقول خاطر، فيك؟.. بِ أيّ كلمة إبَلِّش؟.. أيّ كلمة محبّة بدّا تِطلَع بِ خجل وخوف مِنّي بِالأوّل؟.. بِ أيّ كلمة بدّي خاطر؟ بِ دون حقّ تِتكَسَّر وتِنفَكّ وتِتفارق حروفا بِ سَبَبي.. وبِجهل بِ أيّ كلمة إبَلِّش.. وبِجهل حروفي وطريقة حكيي.. بِجهل حقّي وإحساسي.. بِجهل مين بكون، بسّ ما بِجهل مين بِتكون بِنظري.. ولما إجهل الحكي والشعور وكلّ شي بِيربطني بِ حبري.. وبِطَّلع فيك.. بِ غِطّ إحساسي متل الريشة بِ قلبي، وبِينتشر الحكي ع الورقة متل المصل، وبِتذكَّر مين بكون كلما إطلَّع فيك.. وبِتذكَّر جرحي، وبِ بَطِّل بدّي أعرف حالي.. وبَرضو، معقول خاطر فيك؟.. ما رح تِسمعني.. بسّ ما حدا غيرك لازم يسمعني.. ويمكن يكون بدَّك تِسمَع، وتحكي.. وكون عم خاطر فيك إذا ما قَرَّبِت صوبَك وحكيت.. وإذا حكيتَك، وكَسَرتِلّي قلبي لَ المرّة المليون، ما بعرف شو رح يكون موقف قلبي من بَعدا.. معقول خاطر بِ حالي، كرمالك؟.. بسّ لا! ولا يُمكن، خاطر فيك!

Simply thinking through my fingers. Follow me on instagram @3alsaket_khawatir

Leave a Reply

Your email address will not be published. Required fields are marked *