..سَمَع

جِرح عن جِرح بيفرُق.. بكبْرو و غِمقو و أهمّيتو.. بسّ مجروح عن مجروح ما بيفرُق.. لأن هالإنسان مهما كان جرحو عظيم أو سخيف بِ نَظَر العالم.. هيدا الجرح حِمْلو.. صَليبو.. حتى لو ما بِيحكي عَنو، هالشي ما بيعني إنُّ مش موجود.. مرّات الإنسان بيسكُت بالرِّغم إنُّ مَنّو مبسوط بِ سكوتو.. في صَمت أقوى من الكلام.. وفي صَمت بيقهر أكتر من إهانة.. وفي صَمت بيخنُق لما ما يكون حدا عارف في غير اللي بتَكَرو.. قدّيش في ناس بتِنطرَك ع كلمة تَ تبَلَّش خناقة.. الكلمة اللي عَبَّرت فيا بتِتحوّل عندا لَ كلّ شي ممكن يرضي نِيّتا.. و إنت قاعد تِسمَع.. قاعد تفَكِّر و تحلِّل و تفهَم كلّ مَقصد بِ كلّ كلمة قالِتا.. قاعد تَعمِل اللي بتِتْمنّاها كلّ يوم هيّي تَعمْلو.. “تِسمَع”.. السؤال اللي لازم أعرف جَوابو هو “معقول يجي نهار و ينكِسِر هالصَّمت؟” أو.. “معقول يجي نهار و حَداً و أخيراً يسمَع؟”..

Simply thinking through my fingers. Follow me on instagram @3alsaket_khawatir

Leave a Reply

Your email address will not be published. Required fields are marked *