..مش لأني شخص مقذي، كرمال

فلّيت و بتمنى من قلبي شوفك محطّم ع فراقي، تبكي نار من قهرك و شوقك إلي، تجَعْلِك وجّك من كتر غضبك و تعصر عيونك تَ ..توقّف البكي و تبكي بدل الدموع، دمّ
بدّي تكره حالك ع اللي عملتو، بدّي تكره حالك لأنّك ما وقّفت جرح و كذب وقت اللي كنت عارف إنن رح يخلوك تخسرني.. بدّي تكره حالك لأنك ما وفيت بِ أسخف وعودك إلي.. بدّي تقرف تشوف حالك بالمراية و لما تلمح وجّك بالغلط تبزق عليه.. بدّي يتشقّف قلبك كلما تشوف غرض منّي، أو يكون قدّامك صحن طبخ بِ ذكرك فيّي.. بدّي تكرهني قدّ ما تحمّلتك و حبّيتك، بدّي تكرهني قدّ ما تصرفاتي الطيبة معك عم بتحسسك بالذنب.. بدّي تكره حالك كلما تتذكّر قدّيش حبّيتك و ما إستهلِت.. بدّي تكره حالك كلما تشوفني أنا اللي كنت بوّسلَك دموعك، بِ سبَبَك، ما عدت إتأسّر فيا..
بدّي ياك تنكسر و تكره حالك لَ الموت.. مش لأني شخص مقذي، بسّ كرمال إتأكّد إنّي ما كنت إنسان غبي و إنّك عن جدّ، حبَّيتني مرّة بِ حياتك..

Simply thinking through my fingers. Follow me on instagram @3alsaket_khawatir

Leave a Reply

Your email address will not be published. Required fields are marked *