..شخص جديد

من بعد ما فلّيت و تَركتِلّي قلبك.. مشيت لَ بعيد و عيونك بقيّت تطَلَّع فيّي.. تهمِسلي بِ حنان “رَجعيني” و أنا كَذِّبا، ما أعطيا مجال ترجَع تَ من بعدا تتِركني.. من بعد ما فلّيت و قلبك بقي معي، ما كنت عارفة شو أعمل في.. حبّو؟ إحملو؟ بوسو؟ بِ محَلّو إتِركو؟ أو حطّو بِ محَلّ و إتِركو.. هلَّق، تاركتو بِ مطرح بعيد، بِ مطرح آمن، قادرة شوفو بسّ مَنّي معو.. حتى لو ترَكتِلّي يا.. أنا ما بَق أعرف إذا بدّي يا أو لأ.. من بعد ما فلّيت و قلبك بقي معي.. نادالي من بعيد قلب جديد، نَقي.. قلب، كلّ ما بعَّدِت عنّي، قرَّب صوبي أكتر.. يمكن قدّامو إنسا داري قلبك.. قلبك، بحِنِّلو.. بسّ لا بقرِّب صوبو و ولا بحكي.. قلب جديد فات ع حياتي.. ع عقلي، ع قلبي.. إنسان تاني.. يا ريتو إنت بِ ملامح تانية.. بسّ هو قلب تاني.. مغامرة تانية.. لهفة تانية.. شخص جديد..

Simply thinking through my fingers. Follow me on instagram @3alsaket_khawatir

Leave a Reply

Your email address will not be published. Required fields are marked *