..أجمل لحظة

ما بنبسط وقت تكون زعلان.. بمبسط لما أعرفك زعلان.. لأن بِيطلَعلي فرصة راضيك.. بِيطلَعلي حجّة تَ ضمَّك فيها.. تَ تِغِلّ بِقلبي وشِمّ ريحتك.. تَ إغرق بِ غَمرتَك وإنسى وجّي ع رقبتك يعلِّم.. شو بحبّ أعرفك زعلان تَ كون أوّل إنسان بِداريك.. تَ إزعل معك.. تَ بَوّس جروحك.. تَ تنام مِن تَعب البكي ع صدري.. شو بحب أعرفك زعلان تَ قرِّب منّك.. تَ كون الدوى لِ ما فيك تعيش بَليه.. تَ تِحسّ حتى لو الحلّ مش موجود، بِ وجودي كلّ شي بِينحَلّ.. شو بحبّ أعرفك زعلان تَ دوق دموعك.. دموع حلوة بِالرّغم مِن مرارِتها.. بحبّ أعرفك زعلان وما يعرف حدا غيري بِ زعلك.. هاللحظة إلي.. وولا إنسان بِيقدر ياخذها مِنّي..

Simply thinking through my fingers. Follow me on instagram @3alsaket_khawatir

Leave a Reply

Your email address will not be published. Required fields are marked *