..حلو الحبّ

حلو الحبّ.. حلو بِقدرتو لما يخلّي العيون تِحكي وهيّ ما عندا تِمّ.. حلو لما يخلّيا تِفهم وهيّ مَنّا عقل.. حلو الحبّ لما بِزيد دقات القلب ع حساب إنسان بلا ما يحاسبو فيون.. حلو الحبّ لما يخلينا نعرف وصولو بسّ يهمِسلنا من جوّات شخص “هاي إنت! طوّلت عليك بعرف.. بسّ هيّاني وصلت!”.. حلو الحبّ لما يخجل ويحمَرّ ويدوب متل الشمعة.. حلو الحبّ لما يغار ويعصّب وينفعل كرمالنا.. كرمالنا مش علينا.. حلو الحبّ لما يغلي من الشوق ويوصل من غلَيانو دبدبة لَ عنّا.. حلو الحبّ لما يبرم الدني تَ يوصلنا.. حلو الحبّ لما يدافع عنّا.. حلو الحبّ لما يكون لايق.. حلو الحبّ لما يكون صادق.. حلو الحبّ لما يكون محترم.. حلو الحبّ لما يكون مفضّلنا ع حالو.. لِك آخ شو حلو الحبّ.. لما يكون حقيقي..

Simply thinking through my fingers. Follow me on instagram @3alsaket_khawatir

One Reply to “..حلو الحبّ”

Leave a Reply

Your email address will not be published. Required fields are marked *