..حبيب بنت صغيرة

من أنا وصغيرة بِسمَع العالم عم تحكي عن الحبّ الحقيقي.. الحبّ لِ بِيقلبلي حياتي.. بِيخربا لَ سنين بِ مُجرَّد ما عَلَّم بِ قلبي.. الحبّ لِ ما بِستحي في قدّام حدا.. لِ بِيعطيني قوّة.. الحبّ لِ بِرَيّحني وجودو.. لِ بِحسسني قبل كلّ شي بالأمان.. الحبيب لِ بِضَلّ معي ومش فارقة معو أحكام العالم كلّا.. ما في مرّة بفكّر بهالموضوع غير ما بِتسأل ذات السؤال “معقول عظامة هيك إنسان تكون موجودة.. بِ بَشَر؟”.. قولَك في غيرك يا ربّ رح يحبني متل ما أنا؟ رح يحبني لأنّي أنا؟ رح يحبني لأن في أنا بسّ.. مِنّي أنا..؟ كلّ عمري إسمَع مقولة “خذي واحد يحبِّك أكتر ما إنتي بِتحبّي..” قولَك يا ربّ الحبّ بِينوزن؟ ما بِعتِقد يا ربّ.. ما بِعتِقد إنُّ أكتر إحساس بِمَيّيز الإنسان ولِ عطيتنا ياه من عاطفتك يكون رخيص لَ درجة ينزان.. ينحسب قدّيش بِ رَبِّح.. قولَك يا ربّ هالحبّ لِ عم بِحلَم في موجود؟.. أو رح ضَلّ إحلَم في؟.. رح ضَلّني إحلَم شوفُه أنا وعم بِحكي.. رح يضَلّ يحبني حتى لو بأذي.. ورح ضَلّ حِبّو وآمِن في..

Simply thinking through my fingers. Follow me on instagram @3alsaket_khawatir

Leave a Reply

Your email address will not be published. Required fields are marked *