أمل

في إنسانة…في صديقة…في إخت… و في إم

هيك فجأة…و من دون سابق إنذار

دخلت ع حياتي بلا موعد

و عطيتني القوة من قوّتها.

مش صدفة الله حطها بطريقي

مش صدفة حبيتها

و مش صدفة ارتحتلها

ارتحتلها قبل ما شوفها

لقاء مش صدفة…

تأخرت لأتعرف ع أطيب إنسانة

تأخرت لأتعرف ع أحن قلب “أم”

بس كل هالتأخير مش مهم

بما إنو إجا النهار 

اللي فاتت في ع حياتي

فاتت و فاتت بكل قوة.

كانت معي بالفرح و بالزعل

كانت معي بالحلوة و بالمرة

و بالمرّة قبل الحلوة

هيدي هيي الإنسانية اللي وجودها بحياتي

قلب الدمعة اللي بعيني

لبسمة حلوة ع شفافي

وجودها…قلب العتمة اللي جواتي

لنور و أمل كتير كبار

إيه…إيه…إيه… هيدي هيي “أمل”

 أمل…

خلتني ميّز الصح من الغلط

خلّتني عيش الصح

و أبعد عن الغلط

هيدي هيي “أمل”

هيي المرا اللي خافت عليي كتير

هيي مرايتي…

هيي توأم روحي

هيي نصّي التاني

ليش؟؟؟

لأن إحساسنا واحد

روحنا وحدة 

و دموعنا وحدة

هيدي هيي المرا…هيدي هيي الأخت…و هيدي هيي الصديقة… هيدي “أمل

بقولوا الحياة أمل؟؟

أنا إذا فقدت “أمل”ي … لشو حياتي؟؟؟

Written By: Ramona Hourani

Note: Lebanese Park Readers are invited any time to share with us their writings! Send us an email containing your Article as a text. Email containing any attached files (pdf, word, pages, excel...) won't be processed and it will be automatically deleted! Don't forget to leave your whatsapp number at the end to be able to chat with you.

Leave a Reply

Your email address will not be published. Required fields are marked *