٢٠١٩/٥/٣١

اليوم كتشفت إنو أحلى شعور منّو بالضرورة لما شخص يقلك “بحبك”، بسّ لما بتحسّ بِ حبّو إلك حتى لو ما قالا.. لما يتصرّف ع أساسا، لما يتصرّف بِ حبّ..
كتشفت إنّو لما تكون مركّز إهتمامك و حاصر قلبك بِ شخص واحد، ما بيستاهلك.. اللي بتضيّعو ع حالك منو وقت أو إحساس، اللي بتضيّعو ع حالك هيّي الناس.. إذا الوقت اللي ضايع بيتعوّض، و الإحساس بينخلق عن جديد، الناس غير.. لأنّا غير..
كتشفت إنو لما تفتّح عيونك و تعطي الحريّة لَ قلبك يختار بِ حبّ و بِ وعي، رح يختار راحتو.. رح يختار الناس اللي بتحبّو لَ شخصو، لَ حنانو، لَ إهتمامو.. ما بِ عمرو المظلوم بيعشق الظالم.. قدّ ما تعلّق في، في فرق بين التعلّق و الحبّ..
كتشفت إنو لما تعرف في ناس بتحبّك، بتفرح و هيدا الفرح ما بينوزن ولا بيتقدّر.. و أكيد إذا روّحتو، ما بيتعوّض..
في ناس حواليك بتحبّك.. ما تسكّر عليا قلبك، لأن لما تقدّملا يا، رح ترتاح.. رح ترتاح لما تعرف إنّك زرعت حُبَّك بِ المحلّ الصح.. و إنّك راهنت ع ناس بِ قلبك و ما ندمت..
في ناس بتِنحَبّ، و بتستاهل.. حبّا.. كلّ لحظة بِ حياتك، حبّا..

                                                                                                

              ٢٠١٩/٥/٣١
                                                                                                

                                                                                 

Simply thinking through my fingers. Follow me on instagram @3alsaket_khawatir

Leave a Reply

Your email address will not be published. Required fields are marked *